In’impurtonta fiasta ecclesiastica. Biaras pleivs festiveschan la Perdanonza entuorn miez uost.
Archive
patrun
patrun(latin patronus‚protectur‘) munta il purtader dalla responsabladad, p.ex. il signur ni il menader, il schef
far tschupi
Tschupi vegn fatg aunc ozildi cun dascha e fluras. Tschupials vegnan mess entuorn porta baselgia per fiastas ecclesiasticas, denton per metter si alla biestga dalla scargada.
jass
In giug da cartas che vegn daus oravontut ella part tudestga dalla Svizra, el Principadi da Liechtenstein, el Vorarlberg dall’Austria, el sid dalla Tiaratudestga, Baden-Württenberg, Elsass, Tirol dil sid, denton era ella Svizra franzosa ed el Tessin. jass vegn per ordinari dau en quater, cun 36 cartas. Il jass vala sco giug naziunal dalla Svizra.
ventilaziun da fein
Entras in ventilatur vegn menau aria che sferdenta il fein. Entras quei duei vegnir evitau ch’il fein sescauldi ed entscheivi a cuar ed el mender cass a barschar.
Heimatwerk
Il „Schweizer Heimatwerk“ ei vegnius fundaus igl onn 1930 entras l’Uniun purila Svizra per incumbensa dil Cussegl federal, per recaltgar lavur per purs muntagnards e per rinforzar las ideologias naziunalas. Il „Schweizer Heimatwerk“ edeva ils onns 1936 entochen 1996 la gasetta „Heimatwerk“ ed ha menau da 1948 entochen 1995 ina scola a Richterswil, respectivamein il center da cuors ch’exista oz a Ballenberg.
scola da tenercasa
Scola nua che las participontas emprendevan da menar in tenercasa pli grond per ina famiglia
vicari general
Substitut d’in uestg dalla baseglia catolica e generalmein resposabels per l’administraziun digl ordinariat episcopal
fraudader
Fraudar/fraudaziun munta dapi il temps medieval mierviadad, levsenn, furia ni malvuglientscha e del temps modern, far enzatgei nunlubiu.
marcas
In document che vegneva mess a disposiziun dil stadi. Quei document legitimava da retrer ina certa raziun da victualias.Quellas cartas ein vegnidas duvradas en Svizra l’emprema ga duront la secunda uiara mundiala (1939-1945).