Ti eis staus fundadur e biars onns dirigent dalla Musica instrumentala da Suraua. Co eis ei vegniu aschi lunsch?
A Surcasti vevan nus negina musica. Jeu sun denton adina staus in fanaticher da musica da stuors. Per mei era ei mintgamai in eveniment tut special sche la Musica da Vignogn vegneva giu Surcasti per embellir ina fiasta ecclesiastica ni l’autra. Continue reading Ils eveniments principals èn stads las festas ecclesiasticas
Tgei ei semidau postiv el decuors dils onns en nos vitgets ?
Positiv ei ch’ins ha fundau els onns siatonta a Suraua in chor ed ina musica. Quellas duas uniuns han organisau seras famigliaras e las fiastas digl emprem d’uost ed aschia promoviu ils contacts denter la populaziun dils singuls vitgs. Continue reading Oz dominescha l’egoissem ed il materialissem.
Co steva ei cul tscheiver a Surcasti?
Mats e mattauns fagevan schon empau tscheiver. Ei deva magari in sault ni l’auter. Giuvens e giuvens sentupavan ella ustria e fagevan enqual sault suenter la musica dil radio ni dil giraplattas. Continue reading Occasiuns da sortir
Ferton che biars purs durmevan igl unviern si cuolm ed ellas aclas e mavan la sera magari a vitg in tier l’auter, eran las dunnas persulas a casa. Tgei fagevan quellas las liungas seras d’unviern? Continue reading Naginas chautschas per mattas e nagin dretg da votar per dunnas
Saveis Vus seregurdar da disgrazias ni malauras?
Jeu sai bu seregurdar dad auas grodas aber jeu sai ch’ils geniturs raquintavan. Propi er’ei il Rein dalla Val Sumvitg che vegneva viado. Cu ei era mallaura vev’ins schon in tec sterment. Continue reading Cu ei fageva schliat’aura vev’ins schon in tec sgarschur
Gasettas vevan nus la Romontscha, il Tagblatt epi il bab veva duront l’uiara extra abonnau “Die Züricher Zeitung”. Quella veva lu en in tec pli bia, per ch’el seigi sil current. Epi dev’ei lu aunc Il pelegrin, Igl ischi, Il tschespest, il calender romontsch. Jeu ligevel bugen. Continue reading Il miedi vegneva perfin biaga cun skis
Veis Vus il sentiment ch’il mund seigi meglier oz ni er’ei pli baul meglier?
Och, quei ei grev da dir. Quei era tut in auter viver lu, tut pli sempel. Aber ch’ei fussi stau mender – ei vev’era sias munconzas da gliez temps. Continue reading Pli baul er’ins pli cuntents.
Las dumengias er’ei dad ir a messa. Nus vevan lu aunc bia libertads. Nus vegnevan lu magari ensemen entirs quatiers e fagevan giugs. Nus fagevan bia da pigliar, da sezuppar, dar ball. Ball spada schevan nus, quei era in giug che nus devan bia. Schizun daquels ch’eran schon carschi devan quei. Termagls vevan nus bu ina massaria, forsa ina poppa ni zatgei. Continue reading Temps liber – ins veva plascher dad tut quei ch’ei deva.
Jeu sun naschida 1926 e nus eran siat affons. Nies bab era atgnamein scolast aber da lezzas uras tunscheva halt quella pagaglia buca per trer vi ina famiglia aschi gronda. Aschia vevan nus aunc in tec agricultura dasperas. Ils affons stuevan era segidar. Quei ha ins baul entschiet a seschar en aschia sco ins pudeva. Continue reading El ha mai pli discurriu zatgei dad ir ad alp.
Vevas Vus era temps liber?
Temps liber vev’ins quei ch’ins prendeva. Cunquei che nus eran dus frars, el veva giu sias scolas e veva empau uffecis ed jeu vevel mes aviuls. Cu jeu stuevel ir vida mes aviuls, mav’jeu semplamein ed el cu el veva dad ir per ses uffecis mav’el era. Aber propi vacanzas? Continue reading Temps liber vev’ins quei ch’ins prendeva.