Project



Egliadas en spazi e temps

In viadi culturhistoric en Surselva

 

El rom dil project „Egliadas en spazi e temps“ duei vegnir documentau e mussau allas generaziuns hodiernas e vegnentas ils beins culturals ed ils mistregns vegls, la cultivaziun, la cultura, la natira e la veta sociala d’antruras. La finamira dil project interactiv ei da rimnar sin in portal d’internet la savida ch’ei ida en emblidonza.

Skizze Berg
© ZHAW Zürcher Hochschule für Angewandte Wissenschaften

Ils temps d’antruras dueien vegnir intermediai cun agid dallas staziuns d’eveniment els differents loghens a ed entuorn Val S. Pieder, Vrin e Sumvitg, sco emprem liug da pilot naven da miez zercladur 2019. En quels schinumnai «puncts da vesta» vegn presentau ad in publicum pli vast la savida d’antruras tras historias ed eveniments da perdetgas, maletgs ed elements interactivs, quei senza glorificar il «bi temps vegl». Cun sefatschentar a moda differenziada cun ils beins culturals vegn iniziau ina discussiun davart las valurs da quella savida pil temps dad oz e pil futur.

 

Salvar savida

SalvaDapi la mesadad dil tschentaner vargau han la veta purila ed il mistregn stuiu far plaz ad ina societad ed economia raziunalisada e tecnologica. Il project documentescha la savida dallas persunas pli veglias en text, maletg e tun, sco era en fuorma d’in portal d’internet.

 

Skizze Blickpunkt im OrtViver savida

Cun agid dils „puncts da vesta“ – staziuns d’eveniments interactivas
el spazi public – vul ins far enconuschent ils beins culturals e las modas e manieras tradiziunalas da viver e cultivar era allas generaziuns giuvnas. Ei vegn rendiu cunscient la savida ch’ei ida en emblidonza per animar la discussiun davart sia valur en il temps dad oz e dil futur.

 

Skizze Blickpunkt in der LandschaftBrattar savida

Cun schar reviver la savida da pli baul san ins metter la veta d’antruras en relaziun cun quella d’ozilgi e cun las spetgas dil futur. Pigl avegnir eis ei planisau da schar viver scenaris dil futur entras quels puncts da vesta. Visitadras e visitaders survegnan la pusseivladad da purtar en lur agen pugn da vesta entras differentas interacziuns en spazzi en temps: Tgei era pli baul meglier? Tgei ei dapresent meglier? Co vesan els lur avegnir? Aschia san in cumparegliar las diversas imaginaziuns: Co vesan persunas veglias il vargau e passau? Co s’imaginan ils affons d’ozilgi il mund da lur tats e basats?

 

Derasar savida

Ils „puncts da vesta“ ein francai en la cuntrada culturala. Tonaton duei il discurs vegnir fatgs era sur las scheinas dalla Surselva ora. Pli tard san ins cumpletar las staziuns stablas dils «puncts da vesta» cun staziuns d’eveniments mobilas, per exempel sco exposiziuns ambulontas.

Skizze Blickpunkt in der Landschaft
© ZHAW Zürcher Hochschule für Angewandte Wissenschaften

 

Verein «Natur & Kultur Surselva»
Reto Solèr,  solerworks.ch, Postfach 294, 8042 Zürich
reto.soler@solerworks.ch
Mobile ++41 (0)79 628 16 03