En Lumnezia fuorma Suraua il cunfin denter Romontschs e Gualsers. Co ein las relaziuns denter quellas duas culturas sesviluppadas el decuors dil temps?
Cun Val veva Suraua, denton era Cumbel e Degen, bia contact cunzun damai che purs da quellas vischnauncas cargavan lur muaglia sin las alps da Val S. Pieder. Continue reading Übersetzung: Heiratsverbot zwischen Romanen und Valsern
Sco historiograf local ei Ti era sededicaus intensivamein allas genealogias dallas famiglias, dils cussadents dallas casas da Surcasti e dalla historia e cultura da Suraua. Tgei ha dau a Ti igl impuls persuenter?
La historia locala ha adina interessau mei. Continue reading Übersertzung: Geschichte und Kultur von Suraua
Co eis ei stau culla elecziun da clamada?
Sco fegl vegl vess jeu magari giu interess da far il pur. Miu bab ha denton manegiau che quei seigi nuot per mei cun mia struha da fein. El vuleva exnum che jeu mondi alla Scola cantunala e daventi scolast, sco quei che era miu tat era staus. Continue reading Übersetzung: Handharmonika als Bedingung für Berufswahl
Era Ti eis carschius si en ina gronda famiglia.
Nus essan stai ina famiglia da 10 affons, 7 mattatschas e 3 buobs. Sco secund vegl ha ei giu num da s’engaschar fetg baul el menaschi puril surprendend certas lavurs en atgna responsabladad. Continue reading Übersetzung: In unseren Bergdörfern gab es früher meistens grosse Familien.
Mes geniturs ein carschi si omisdus a Surcasti. Miu tat davart dalla mumma era in Camenisch da Morissen e mia tatta ina Albin da Tersnaus. S’entupai ein els dus el tmps ch’ els mavan per hotels a Lucerna. Continue reading Übersetzung: Alle kehrten nach Hause zurück
Jeu sun carschida si en ina famglia purila a Surcasti. Miu bab mava igl umviern ad uaul e segidava la stad el menaschi puril da mia tatta. Propi il pur ha el denton fatg pér suenter che mia mumma ei morta. Continue reading Übersetzen: Wir waren weitgehend Selbstversorger.
Il habitar el marcau secontrastava da lez temps pia era ualti fetg cul comfort ellas casas purilas a Surcasti?
A Surcasti vevan nus da lezs onns adina problems cun l’aua. Entochen ch’ins ha buca giu realisau il conduct da Seglias igl onn 1963 havevan nus scartezia d’aua. Ei deva buca aua en casa. Continue reading Übersetzung: Mittagessen in Körben aufs Feld
Tgei ei semidau postiv el decuors dils onns en nos vitgets ?
Positiv ei ch’ins ha fundau els onns siatonta a Suraua in chor ed ina musica. Quellas duas uniuns han organisau seras famigliaras e las fiastas digl emprem d’uost ed aschia promoviu ils contacts denter la populaziun dils singuls vitgs. Continue reading Übersetzung: Heute dominiert der Egoismus und Materialismus.
El temps liber vevan ils affons da segidar a casa, tgi veva dad ir per aua e per lenna, auters perver las nuorsas, las cauras, ils pors e las gaglinas e lu era da segidar tier las lavurs sil funs. Sco feglia veglia tuccava ei a mi savens era da far lavurs da buobs, seigi quei en nuegl ni sil funs.
Jeu sun naschida 1926 e nus eran siat affons. Nies bab era atgnamein scolast aber da lezzas uras tunscheva halt quella pagaglia buca per trer vi ina famiglia aschi gronda. Aschia vevan nus aunc in tec agricultura dasperas. Ils affons stuevan era segidar. Quei ha ins baul entschiet a seschar en aschia sco ins pudeva. Continue reading El ha mai pli discurriu zatgei dad ir ad alp.