La giuventetgna ei stada fetg activa el cant, els vegnevan oda baselgia la damaun e mavan vi e cantavan in’ura. Quei datti buc oz.

Epi suenter sin tribuna, jeu fetg schon, quei eran fetg activs. Quei era tut quei els havevan. Epi tut che fageva part dalla cumpignia da mats. Quei era bi, la cuminonza era auter. Quei era bi! Quei era aber bu il medem sco il chor. Quels cantavan semplamein aschia. Enqualin era schon era el chor. Quei vegneva fatg da sesez. Jeu hai giu il chor 7 onns, jeu havevel dapli che 30 cantadurs ed ussa ein els 15. Oz survegnins bu glieud, bu tenors. Bass vai aunc. In ha detg a mi “fusiunar ei la mort”. El ha giu raschun.

Cumpignia da mats havein nus giu ina fetg gronda e fetg activa. Quella cumpignia da mats haveva grondas influenzas en in vitg politicamein. Els mettevan si candididats pil cussegl grond e per la vischnaunca e sustegnevan quels. Nus havevan in plevon da lezzas uras ch’era conservativs tochen alla crusta. In da Tujetsch. Ils mats stuevan adina ir giu e spluntar tiel plevon per lubientscha sche las mattauns astgien vegnir a far tscheiver. Epi treis ein ir giu e dumandau ed el ha getg ch’el seigi buc aschi incantaus da quei. In ha pigliau la curascha e getg, ti spetga grad, gliez emporti ad els nuot, els mondien giu per quellas dad Uors. “Gliez mondi lu buc aschi tschunsch” ha igl augsegner getg. Bein bein quellas hagien auto da posta cheugiu e sappien vegnir si e lu ha el lu dau la lubientscha.

L’auter gi, jeu mavevel a scola, jeu mavel forsa ella tiarza, quarta classa, vegneva el en da ductrina ed arveva las fanestras, fageva schschsch… “cheu ha il giavel puspei giu en il nas questa notg” e fageva cschcschsch… viado cun els avon che far ductrina. Mia mumma haveva mess sil cudisch da ductrina ina cuviarta da Jemoli, quei era femnas cun cautschas da skis, epi ei il plevon vegnius vi, tschappau il cudisch e fatg grrrrr…. Jeu sun ius si casa e getg, jeu sai nuot, denton il plevon ha buca giu bugen la cuviarta che ti has mess sil cudisch.