Maschinas vevan nus nuot tochen anno 1952. Cheu Surrein er’ei stau avon.Il pli vegl motor da segar vevan els tegn jeu cumprau anno 1927 e quel ei lu staus persuls biars onns.

Suenter ha in auter scolast lu cumprau in motor e miu bab, pia nus vein lu giu anno 1952 igl emprem motor. Cheu a Bubretsch, quei ch’ei tut plaun vegneva segau a maun tochen anno 1942. Naven da lu vevan nus il Christian Tgetgel che veva cavagl e maschina da segar e vegneva o cheu.

El steva sisum Reits cheusi e vegneva o cheu a segar. Denton il rest dacheusi stuev’ins segar tut a maun. Lu vein nus lu cumprau anno 1952 il motor. Quel veva num “Wildheuer” ed ins saveva ir sillas plauncas cu el. Aber quei era empau in semudergiem. Quel veva mo ina roda e quel veva sco ins di la “balca” da segar savev’ins, cu ins era silla plaunca teissa metter sin quei maun e cun ins era semanaus mav’ella sin tschei maun. Quei era bu exnum in levgiament per la lavur, mo ei mava pli spèrt semplamein, ei era segau pli spèrt. Viers quels ch’ei han ussa che van per las plauncas sco cavreuls bunamein…

Savevas Vus co quellas maschinas funcziunavan ni co veis Vus empriu quei?

Quei ein els lu vegni cheu e mussau co ei seigi da far ed aschia vein nus lu saviu co far. Nus essan lu aunc vegni da far diesch onns cun quella maschinetta avon che cumprar lu in meglier. Plaunsiu eis ei lu vegniu cavagl e cu gliez era memia pauc eis ei vegniu tracturs ed aschia ei quei iu l’entira historia da fenar.