Per la Lumnezia en general vesel jeu tuttavia in bien avegnir. Cunzun las vischnauncas da Cumbel, Morissen, Vella, Degen e Vignogn ch’ein fetg maneivlas ina da l’autra han in bien svilup economic. Continue reading Bunas perspectivas per la Lumnezia
En Lumnezia fuorma Suraua il cunfin denter Romontschs e Gualsers. Co ein las relaziuns denter quellas duas culturas sesviluppadas el decuors dil temps?
Cun Val veva Suraua, denton era Cumbel e Degen, bia contact cunzun damai che purs da quellas vischnauncas cargavan lur muaglia sin las alps da Val S. Pieder. Continue reading Scamond da maridar per Romontschs e Gualsers
Ti eis lu la finala maridaus e secasaus ad Uors?
Jeu erel ferm ligiaus cun Surcasti. Damai che mia dunna fageva la Posta ad Uors essan nus lu era sedecidi da secasai ad Uors ella Casa dalla Posta. Leu vein nus habitau 17 onns e giu duas feglias. Continue reading Jeu hai giu ina ferma colligiaziun cun miu liug nativ.
Tgei regurdientschas has Ti dil temps da scola?
Suenter ils sis onns scola primara a Surcasti hai jeu frequentau la scola secundara ch’era vegnida aviarta entgins onns avon ad Uors. Quels che fagevan buca la scola secundara frequentavan las classas finalas ella scola dil vitg. Continue reading Agricultura enstagl da vacanzas da stad
Era Ti eis carschius si en ina gronda famiglia.
Nus essan stai ina famiglia da 10 affons, 7 mattatschas e 3 buobs. Sco secund vegl ha ei giu num da s’engaschar fetg baul el menaschi puril surprendend certas lavurs en atgna responsabladad. Continue reading En nos vitgs muntagnards deva ei pli baul pil solit grondas famiglias.
Mes geniturs ein carschi si omisdus a Surcasti. Miu tat davart dalla mumma era in Camenisch da Morissen e mia tatta ina Albin da Tersnaus. S’entupai ein els dus el tmps ch’ els mavan per hotels a Lucerna. Continue reading Tuts turnavan a casa.
Il habitar el marcau secontrastava da lez temps pia era ualti fetg cul comfort ellas casas purilas a Surcasti?
A Surcasti vevan nus da lezs onns adina problems cun l’aua. Entochen ch’ins ha buca giu realisau il conduct da Seglias igl onn 1963 havevan nus scartezia d’aua. Ei deva buca aua en casa. Continue reading Gentar en canasters sin il funs
Ferton che biars purs durmevan igl unviern si cuolm ed ellas aclas e mavan la sera magari a vitg in tier l’auter, eran las dunnas persulas a casa. Tgei fagevan quellas las liungas seras d’unviern? Continue reading Neginas caultschas per mattatschas e negin dretg da vuschar per dunnas
El temps liber vevan ils affons da segidar a casa, tgi veva dad ir per aua e per lenna, auters perver las nuorsas, las cauras, ils pors e las gaglinas e lu era da segidar tier las lavurs sil funs. Sco feglia veglia tuccava ei a mi savens era da far lavurs da buobs, seigi quei en nuegl ni sil funs. Continue reading La medema lavur per mattatschas e buobs
Jeu seregordel aunc ch’ins raquintava ch’in europlan militar seigi curdaus giu amiez il vitg da Val S. Pieder. La fin dalla uriara haveva in europlan American schau dar giu treis bumbas enta Val. Quei haveva fatg tema ad affons e carschi. Continue reading La sera stuevan nus stgirentar las finiastras.