Egliadas en spazi e temps
In viadi culturhistoric en Surselva
Project
Enteifer paucs decennis dil 20avel tschentaner ein la moda da viver e l’economia ella regiun dallas alps semidadas marcantamein. La savida tradiziunala ch’era valeivla dapi liung temps ha piars sia muntada. Valurs ein vegnidas regruppadas, novas pusseivladads e sfidas ein semussadas.
En rom dil project „egliadas en spazi e temps“ dueien las valurs culturalas ed il mistregn sco era la veta da mintgadi d’antruras vegnir fatgs enconuschents alla generaziun giuvna dad oz. Quei cun exempels da vischnauncas dalla Surselva. En in’emprema fasa Sumvitg e Uors/Surcasti. Finamira dil project interactiv eis ei d’evitar che quella savida mondi en emblidonza.
Perquei vegnan regurdientschas da perdetgas dil temps rimnadas sin in portal d’internet ed intermediadas a maun da schinumnai «puncts da vesta» en fuorma da staziuns d’eveniments. Aschia duei vegnir activada el temps dad oz la discussiun davart las valurs dalla savida d’antruras.
Sumvitg e Uors/Surcasti
Ils «puncts da vesta» ein plazzai en loghens publics dalla vischnaunca Sumvitg, leu nua ch’ei dat in connex direct cun in dils temas. Cun historias da perdetgas dil temps, maletgs ed il portal d’internet vegn il „temps vegl“ fatgs accessibels. Ferton ch’ei sa vegnir presentau sur las staziuns d’eveniments mo cuorts extracts, san las regurdientschas extendidas dallas perdetgas dil temps vegnir suandadas en texts e versiuns d’audio en romontsch ed en tudestg sil portal d’internet. Ordinadas tenor temas e cavazzins ein las intervestas ed era ulteriuras informaziuns accessiblas.
Senda d’eveniments
Las staziuns d’eveniments ein spert e bein contonschiblas dallas staziuns e fermadas da posta, sco era dils parcadis a Sumvitg ed ad Uors/Surcasti. Nossas partenarias e nos partenaris d’intervesta romontschs raquentan tier mintga staziun historias ord lur veta, garnidas cun interessantas anecdotas: tier religiun, agricultura muntagnarda, societad, commerci, cultura e mobilitad.
Nus engraziain cordialmain a tut ils partenaris e donaturs che han pir pussibilità quest project.
Descripziun da chargiar sin l’agen computer: Fegl sgulont Senda d’eveniment Lumnezia.