Tgei regurdientschas has Ti dil temps da scola?

Suenter ils sis onns scola primara a Surcasti hai jeu frequentau la scola secundara ch’era vegnida aviarta entgins onns avon ad Uors. Quels che fagevan buca la scola secundara frequentavan las classas finalas ella scola dil vitg.

Damai che la scola secundara entschaveva entgins gis avon la scargada, muncavel jeu mintgamai ils emprems gis da scola. Vacanzas deva ei aschia secapescha neginas. Il problem era il lungatg tudestg. Nus eran stai ad alp, vevan empriu empau il dialect da Val, ferton ch’ins vess stuiu s’exprimer en scola el lungatg da scartira. Cheu deva ei magari detgas risadas e beffas dils conscolars pervia da nies patua gualser. Perquei vevel jeu magari era retenientschas da s’exprimer.

En scola secundara ad Uors eran nus da lezs onns entuorn 25 scolars reparti en treis classas.