Tgei ei semidau postiv el decuors dils onns en nos vitgets ?

Positiv ei ch’ins ha fundau els onns siatonta a Suraua in chor ed ina musica. Quellas duas uniuns han organisau seras famigliaras e las fiastas digl emprem d’uost ed aschia promoviu ils contacts denter la populaziun dils singuls vitgs. Dalla Fiasta naziunala digl emprem d’uost che ha liug mintgamai liug a Camuns, vegnevan singuls musicants magari tier mei a solver e sunavan leu vinavon. Las uniuns han schon dau kitt als vitgs e promoviu la cooperaziun ed il beinesser a Suraua.Giuven e vegl prendevan part dils arranschaemtns cumineivels ed haveva nplascher da quei che vegneva purschiu. Cu ins ei denton veglia sco jeu e buca aschi mobila pli, tschercan ins meins la cumpignia ed ei leds sch’ins vegn da sesvolver en las atgnas quater preits.

Tgei ei semidau a moda negativa ils davos onns?

Il mund ei semidaus e semida vinavon. En mia vegliadetgna san ins esser leds e cuntents ch’ins sa viver senza quitaus finanzials. Pli baul segidavan ins pli fetg in cun l’auter en nos vitgs. Oz mintgin che mira mo per sesez e vul buca esser dependents dils auters. Materialissem ed egoissem han era priu surmaun en nos vitgs.

Ti has buca adina giu sempel en Tia veta. Tgei fagesses Ti oz auter?

Jeu fagess probabel aunc ina ga il medem. Pli baul Jeu hai fatg bugen la pura e vevel ina stretga relaziuns culs animals e culla natira. Quei ha plaschiu a mi.