Ti denton era staus engaschaus ella vischnaunca?

Ils uffecis politics eran buca tschercai ella vischnaunca dad Uors/Peiden, aschia ch’ei ha era tuccau a mi da s’engaschar leu ella suprastonza communala. Aschia hai jeu fatg part duront total 14 onns da quella. Duront 5 onns  su jeu stau president communal. Ad Uors era la glieud en general fetg liberala e raschuneivla. La vischnaunca ha aschia mai duvrau in giurist per lugar dispettas. Entgins onns hai jeu era fatg part dalla Dertgira circuitala dalla Lumnezia.