Lu er’ei ch’ei vegnevan dalla scargada cun si matg giu dad alp. Nus vevan mo vaccas, inaga vevan nus giu in per cauras aber suenter bu pli. Mo enzacontas nuorsas.

Jeu sai che nus mavan o Trun a schar premiar ils tiers. Nus vevan treis genetschas, forsa pli pigns. Epi eran nus ils treis mesauns adina ensemen. Mia sora veva ina che veva num Hanna ed jeu vevel ina che veva num Selva ed il frar veva ina che veva num Brocca.

Epi vev’il bab stuiu ir cun quels o Trun a schar premiar ed ina veva fatg in tschupi. Epi stevan nus halt mal per quels dus che vevan buca survegniu in tschupi. Lu eran nus vegni a casa e vevan detg “nus fagein era per tschelas duas in tschupi, buca ch’ellas sesentien bu sclaussas ora”.