Vevas Vus era temps liber?

Temps liber vev’ins quei ch’ins prendeva. Cunquei che nus eran dus frars, el veva giu sias scolas e veva empau uffecis ed jeu vevel mes aviuls. Cu jeu stuevel ir vida mes aviuls, mav’jeu semplamein ed el cu el veva dad ir per ses uffecis mav’el era. Aber propi vacanzas? Nus eran maridai, jeu anno 1960 ed el anno 1961 e diesch onns suenter che nus eran maridai vevan nus fatg giu dad omisdus ir inaga en vacanzas culla dunna.

Co er’ei cun fiastas da baselgia?

Duront igl onn ora era quei cheu el vitg quellas fiastas da baseglia e cu ins era giuvens fagev’ins parada. Schiglioc, cheu Surrein fagevan els aunc cu nus eran giuvens quella fiasta da curtin, ch’ei han aunc fatg dabiars onns. Quei era ina fiasta nua che tuts s’entupavan. Quei ei lu era tuttina svaniu. Schiglioc er’ei lu quellas fiastas da baselgia. Igl emprem ch’ins ei vegnius ord scola er’ei auter che las fiastas da baseglia nuot.