Carn vevan nus schon aunc empau, gliez vevan nus da mezchegiar sez. Era duront il temps d’uiara vegnevan nus ora aschia pulit. Ins stueva schon mirar.

Per enqual caussa stuevan nus lu era ver las marcas. Per quei che nus vevan bu sezs aber schon ch’ins vegneva atras. Cun pieun e da quei vegnev’ins schon atras. Cartas deva la mumma ina ga ni l’autra a zatgi che veva fetg knapp sche nus duvravan buca grad. Quellas cartas savev’ins duvrar mo per ina uisa ni l’autra. Per exempel per ris ni cafè. Quei era tut partgiu tier.

Udevas Vus tgei che schabegiava duront il temps d’uiara?

Gie, il bab era schon in che s’interessava. Dallas gasettas savev’el lu e raquintava lu schon a nus in tec tgei ch’era. Zaco savev’ins bu propi s’imaginar che quei vegnessi era tier nus. Sterment vevan nus buc.

Co er’ei cun famiglias sch’ei era propi paupers?

Jeu sai aunc sch’ei era da quels paupers vegls che vevan negin. Quels devan ei en ina famiglia a dunsena sco ei schevan. Ei deva bu ina casa da vegls. Ei veva ina famiglia, quels vevan bu sezs affons e quels prendevan lu magari ina da quels vegls. Ed affons vevan nus ina famiglia ch’ei vevan dau in tec tscheu ed in tec leu. Duas famiglias vevan in da quels affons, in buob ed ina buoba. Quels vevan lu gartegiau bein tier quellas duas famiglias. Quels tenevan els sco agens. Quei smarvegliav’jeu biagadas en Tujetsch. Leu hai jeu dau scoletta 15 onns. Jeu smarvegliavel biagadas ch’ei schevan “quel ei tratgs si da quel ni da tschel”. Quei era forsa schon aunc pli paupers en leu. Jeu sai aunc dad ina consora che scheva, ella era stada da Peiden ed ella eri stada da pintga el Schuob. Quei vevan dad ir ina toccada epi vegnevi la “Greitli”, schevan ei a quella e mavi lu cun els. Pli baul er’ei schon ina Surselva paupra. Quei era biaga ch’ei habitavan pauperet. Jeu tratgel biaga cu jeu vesel ussa.