Nua vevas Vus empriu tudestg?

En scola, leu vev’ins aunc franzos. Tudestg hai jeu era empriu tras la posta, li stuev’jeu schon saver in tec. Lu quei tec tudestg ch’ins veva empriu en scola secundara vi Sumvitg. Leu er’ei lu mo tudestg ni franzos. Leu vevan nus lu bu romontsch. Aber tras quei ei ins vegnius ch’ins ei serebitschaus en. Da scriver vess jeu mattei empau baluschas. … Giu Derendingen tier quei docter duvrav’jeu bia il tudestg.

Mia mumma saveva lu bu schi bia lungatgs aber tuttina. Ella era lu stada denter auter giu Luzern tier in docter. Stada leu in onn, dus e veva lu entras lez empriu tudestg. Il aug, quei era in frar dil bab, steva leu sper baselgia vi Surrein. El veva maridau ina dalla Sogn Gagl e quels tschintschavan è tudestg. Las mummas denter ellas, per che la buobanaglia vegni bu sissu tut, vegnev’ei tschintschau tudestg.

Stuevas Vus era far pensums da casa?

Gliez stuevan nus schon far. Nus vevan in buob, il bab veva priu quei buob si digl Aargau. Quei era in dad in perli ch’era staus da Sumvitg aber era ius anoragiu. Quei buob e la dunna vegnevan nuota propi bein perina. Epi tras la vischnaunca vevan ei priu quei buob, perquei ch’ei savevan bu nua metter giudamaun quei buob. Quel era quasi ord scola e quei fuva lu in perdert. Quei era in flot buob aber quel saveva lu bunamein mo tudestg igl emprem. Jeu mavel grad ell’emprema scola secundara ed entras quel sun jeu lu vegnida a mauns. Quel prendeva lu ils hefts epi schev’el “do muesch asso macha, und do muesch asso macha”. Entras quei hai jeu empriu ina massa. Quel leu ha gidau bia mei cun tudestg.