Jeu seregordel aunc ch’ins raquintava ch’in europlan militar seigi curdaus giu amiez il vitg da Val S. Pieder. La fin dalla uriara haveva in europlan American schau dar giu treis bumbas enta Val. Quei haveva fatg tema ad affons e carschi. Sco affons currevan nus silsuenter mintgamai en casa sche nus udevan ni vesevan in europlan. La sera stuevan nus stgirentar las finiastras cun cartun. Biars umens eran en survetsch militar, aschia che las dunnas stuevan far persulas las lavurs sil funs. Miu bab era vegnius libers dil survetsch militar, sco HD vegneva el denton clamaus tscheu e leu en agid.