Co er’ei culla politica. S’interessavan las dunnas era ni era quei plitost caussa dils umens?

Oh, da gliez savein nus bu tschintschar oz, schiglioc vegnin nus aunc ina detga uriala buca da calar!Gliez ei stau caussas nundetgas…. las dunnas vevan bu dad ir a vischnaunca. Quels da Sumvitg vevan la sala da vischnaunca e quella era quintada pils umens e las femnas vevan da star a casa.

Nossa mumma en quei grau er’ella pli prudenta ch’il bab. Certas caussas saveva la mumma meglier. Talents veva la mumma pli biars, ella veseva certas caussas pli lunsch. Il bab era staus in tec en Tiaratudestga sco buob, sco ei schevan “ei van giul Schuob” e veva bu empriu las massas, fatg il pur, catschadur e pescadur e la mumma saveva da quei dalla politica.