E co eri cul lungatg, cul tudestg cu vus haveis stuiu ir naven da Vrin?

Jeu hai entschiet ella tschunavla classa cul tudestg.

Avon savev’in ch’ei deva Vater, Mutter… da capir enzatgei denton gnanc idea. Per la scola havevan nus la grammatica e lu il «Leitfaden» sco ei haveva num e cun agid da quels mieds han ins empriu plaids e da far construcziuns.

 Co ei quei stau cun quella basa dad ir l’emprema gada egl jester?

In per plaids savev’ins aschia ch’ins vegneva atras e per conversar stuev’ins far empau smanis. Jeu sai da quels, oravontut mattatschas, che mavan gia sco affons en territori tudestg la stad tier famiglias. Quels havevan in tec idea da tschintschar tudestg. Cu ins ha giu da scriver, lu ei l’ortografia schon stada in problem.