Saveis Vus seregurdar da detgas ni fablas?

En Val Sumvitg raquintavan ei enqual detga dil Paul Luziet. Quel viveva encheu tut isolaus e fageva enqual filistucca.
Tier nus fagevan ei silpli magari culla metta da fein. Quei era quella femna veglia che vegneva culla faultsch, sch’ins mava tras ils praus e smaccava giu il fein.

Jeu sai che la mumma scheva magari dad in che steva si Cumpadials. Quel fageva in tec cun jarvas e saveva medegar.

Te fagevan nus lu schon. Te da feglia magnucca miravan nus adina da ver, era pils tiers. Epi quellas flurs s. Gion mettev’ins en ieli e scheva trer. Quei era lu tut zatgei special. Per exempel la stad sch’ins veva che barschava si, che la pial mava giu, stuev’ins unscher en cun quei. La feglia magnucca quei tenevan ei fetg ault. Quei mirav’ins adina da ver en casa. Cun arnica barschavan ei vinars. Jarva d’issiens mirav’ins era adina da ver. Ins era pli maneivel dalla natira. Quellas ragischs bibernell. Jeu vevel in frar, quel era specialist sin quei.  Quei sche nus eran sil funs sche tuttenina steva el lu magari giu e cavava enzatgei. Quei era propi bien encunter mal il culiez, quei era mo da slignar sissu. Ragisch rena schev’ins era a quei. Quei gidava lu schon pil mal il culiez. Ni era cun suitga, sch’ins era en cun auras. Jeu sai bu sco la mumma fageva aber quei gidava schon. Ins veva halt bu schi bia medicaments sco oz. Era camela per far te da camela.

Bulius vevan nus buc. La mumma veva bu tschaffen da bulius. Ella leva bu quei, ella veva ina tema ed ina antipatia. Il frar mava magari si cuolm sch’el cuschinava fagev’el bulius. A catscha dev’ei biars che mavan, a catscha scumandada. Il bab ei mai ius a catscha e mai pesca. Il Gion Deplazes veva giu scret dil Placi pign. Quei eri propi ils specialist da catscha scumandada. Inaga vev’el scret co el veva giu miserias da bu vegnir a mauns alla polizia. Quei schevan ei bia ch’ils da Surrein mavien a pesca scumandada. Lu veva ei aunc scaruns perfin. Aber ussa mattei ch’ei vegnessen schon pli spèrt a mauns. Quei era mai enzatgi che tgisava. Sch’ins vegneva bu grad ensemen cul survigilader da catscha….