Las lavurs dad umens e femnas eran definidas claramein.

Las lavurs da casa e perver gaglinas e pors eran tipicas lavurs da femnas. Quei tuccavan ils umens buc en, forsa schubergiar ora il camon da pors. Far fein era ina lavur communabla, ei deva era bunas parderas. Las lavurs da nuegl e perver era la domena dils umens. Leu nua ch’igl um muncava stuevan las femnas far tuttas lavurs.

 Las lavurs dallas femnas eran fetg strentgas.

Sch’ins patratga igl unviern vid la lavur da lavar senza maschinas ed adina puspei affons pigns. Pistregns en quei senn haveva praticamein negin, caussettas pintgas savev’ins far a casa en cuschina. Quei begl da lavar en vischnaunca era ina catastrofa. Dus begls nauschs giun plaun, igl unviern la neiv ch’era pli aulta ch’ils begls, aua ferdaglia che schelava vid ils mauns. Ed era quellas cuschinas freidas, ils zulers da scaldar pegna targevan sin tuttas varts e biaras femnas han ruinau la sanadad cun da quellas lavurs. Quei duvrava schon femnas cun bunas staturas.