Cheu er’ei pli baul ella Val Sumvitg il bogn. Quel ha luvrau bein tochen l’entschatta dall’uiara e lu eis ei stau finiu. Suenter eis ei bein stau en cheu daquels che han giu priu si aber quei ha mai funcziunau sco ei s’auda.

Suenter eis ei vegniu quel che ha baghegiau da niev en cheu. Quei ei iu si sc’ina flomma epi eis ei stau finiu. Cu ei mavan el bogn, cu ei funcziunava vevan ei leu quellas crotschas che mavan naven da Rabius. Dapi anno 1912 er’il tren.

O Sursaissa vevan nus empau parents. Quels eran da Vrin, ch’eran vegni neuado aber schiglioc. Quels tschintschavan romontsch aber il rest da Sursaissa tschintschava tudestg. Cul saver tudestg… mo tgei duei jeu dir… Also, empriu tudestg vevel jeu pulit, jeu savevel schon leger e scriver tudestg denton da discuorer tudestg hai jeu giu tochen 30 onns miserias. Ferton che miu frar era staus giul Plantahof e suenter scola vev’el saviu ir in onn giu Schwyz e quels eran en en quei ed jeu stuevel semudergiar.

En scola vevan nus era giu tudestg e vi Sumvitg vevan nus franzos. Jeu sai che nus fagevan quels concepts e lu scriveva il scolast Wieland sutvi “tres bien”. In bien scolar er’jeu schon aber ins vess stuiu saver duvrar dapli propi bein tudestg sai jeu halt aunc adina buc.