Vevas Vus vacanzas mintgaton?

Cu jeu erel vi Rabius vevel jeu vacanzas cu jeu vegnevel a casa sin viseta. Quei era da laghegiar da far vacanzas surtut cu ei era dad ir a gidar rischlar. Ir si misès schevan nus “ir en vacanzas“.Visavis dil Tenigerbad era “Teschliandras”. Forsa veis vus è schon viu che Leo Tuor ha scret sur da Teschliandras. E quei era en cheu, saveis vus metter avon, in niu ed in vestgiu – quater clavaus cun in nuegl, secapescha. Quei era pli vegl sco vegl sa mo esser. Ed en cheu era quei quater famiglias, nus eran cheu ina massa affons. Buobas vevan ei schau vegnir en in onn ina e schiglioc erel mo jeu cun ina massa buobs. Aber manegeis che quels buobs vessen ughegiau da dar il manut a mi ni dar in bunet. Jesses quei negin che vess tschintschau… aber quels vessen è mai detg zatgei maltschec ni da quei. E da durmir veva nus giun clavau sil fein, schon miserias….