Sper via encunter Val dev’ei la punt da lenn cheuen e cheu il Mulin, quei era in um giuven da Cumpadials. Quei ha ars ina notg tuttiquanti. Quei era da lenn ed ha ars sc’ina candeila,

ins ha anflau mo la tschendra, ins ha anflau nuot. Els han encuretg dapertut. Avon dus onns han els declarau el sco sparius. Ins sa buca sch’el era en quella casa. Ei manegiavan ch’el ha dau sez fiug, quei era in flot giuven. El haveva tema dad ir en spital, schar far in’operaziun. Jeu suponel ch’igl ei iu aschia.