Tgei era antruras meglier ni mender?

Hermina Alig
Hermina Alig © Gieri Antoni Caviezel

Gidava la glieud in l’auter ni mirava mintg’in mo per sesez?

Pli bia che oz. Buca tuts, denton quels che savevan gidavan schon. Era nus essan segidai cun biars. Quels che havevan in triep fegls a casa han schon giu in tec pli lev duront l’uiara.

Tgei era pli baul meglier ni mender en relaziun cun oz?

Quei ei grev da gir. Educar e trer si ils affons less jeu buca haver quei dad oz.

Daco buca?

Oz san ei haver tut tgei ch’ei vulan. Ils nos astgavan haver mo quei ch’era necessari, aber eran adina cuntents. Pli baul havev’ins nuot aber era bia pli cuntents. Ins era pli bia en cumpignia. La glieud seteneva ensemen pli fetg. Ozilgi va mintgin sia via e mira mo per sesez. 

Postautohaltestelle in Vrin
Postautohaltestelle in Vrin © solerworks.ch

Tgei brattasses vus buca pli cun pli baul?

Las casas ein endrizzadas bia meglier, tut ei pli cumadeivel. Ins sa era cumprar enqual caussas ch’ins saveva buca selubir pli baul. Pli bia less jeu nuota brattar. Il mund semida aber el vegn buca megliers. Buca mo il mund semida,era la glieud semida e perfin l’aura semida in tec. Quei sa negin midar e quei ei il pli gest ch’ei sil mund, ei ston prender co ei vegn.