Ils scolasts eran pulit stregns e quei ch’ins ha realisau per suenter: ils buns scolars ni quels che savevan in tec, mitschavan adina bein ferton che quels ch’eran empau anavos…Leu ha ins bu realisau quei, denton suenter ha ins schon realisau, da quels ch’eran schizun paupers vegnevan mudergiai en scola. Aber quei ei era vargau.

Da quels temps era quei ch’il scolast scheva bunamein sontga scartira. Ed igl augsegner sowieso. Quei en vischnaunca era pil pli scolasts ch’eran presidents. Cheu Bubretsch er’ei era la casa digl uestg. E quei era è da quels in tec pli aults. Ei deva schon era meins beinstonts, denton jeu savess ussa buca dir ch’ei devi propi paupers. Ei deva forsa beinenqual famiglia che han stuiu semudergiar empau pli fetg che nus. Nus vein giu igl avantatg, per vegnir anavos sill’uiara, miu bab era corporal aber ei vegnius libers grad igl onn avon l’uiara. Aschia ha el buca stuiu far militer duront l’uiara. Quei ei stau pil bab ed era per la famiglia in grond avantatg. Ils auter babs han semplamein stuiu ir a militer e finiu e las mummas eran persulas culs affons a casa. Quellas han schon giu pli grev.