Jeu mez sun mai staus ad alp damai che nus vevan cheu schi bia da far cun far fein. Mes conscolars ein stai tuts ad alp. Quei dallas scargadas ei vegniu si per cu igl ei vegniu fumeglia da Luzern e quels han lu purtau in tec quei. Tier nus era quei buc usit.

Dapi circa 20 onns vein nus schon fatg ina scargada e stevan suenter aunc en cheu el vitg. Lu fagevan nus seiv entuorn il pustget e schevan en cheu las vaccas, aunc detg bi. Aber quei era buca pli baul. Ussa ston ei ver vaccas da sutsi per ch’ei hagien plein l’alp e lu vegnan ei cun vehichels.