Surrein ei stau exponiu a dus Reins. Giucheu sut la punt era il Rein sesalzaus, ussa eis el sesbassaus per meters,

magliau ora il letg e sesbassau. Quater, tschun viturins maven en davos Encarden cheuen e cargavan sin quels curtauns e cargavan massiv cun crappauna e cun cadeinas e targevan si cun roda e mettevan giuaden e fagevan si cun uor. Tut a maun. Quels cavals vegnevan ora ch’ei eran tut alvs igl unviern

Anno 54 ha ei dau las auas grondas da Surrein, la pli gronda. Quei era la punt che va si Cumpadials, il Rein era sebess vi chau encunter aschi fetg, la punt ei aunc stada, ils da Surrein quella notg ein els dallas plauncas si els clavaus a star sur notg. Quei era stau fetg critic. Cheu ina vella ch’ei vegnida sut l’aua, ch’ei lu vegnida fatga giu e lu i o Breil cun tut. Quei era in um ed ina femna che stevan gl’entir unviern encheu, el vegneva mintgaton on Val cun skis per la posta.