Jeu erel grad gartegiada ch’jeu vevel fatg igl emprendissadi tier la posta vi Rabius e giu da pagar ora l’emprema renta ch’ei ida dalla AHV ad ina femna ch’era vieua, sco tuttas ch’eran persulas, veva il dretg da 30.- francs el meins. E cu ei era in um ch’era maridaus, lezs survegneva 45.- francs el meins. Epi er’ei era las miserias dallas miserias, odem il vitg in um ed ina femna che vevan la famiglia ch’eran tuts carschi, maridai e naven ed eran cun in fegl ensemen, ch’era bu maridaus.

Il fegl fageva calger e quels savevan, ils sis, ils siat dil meins vegneva la renta. Quels stevan sileu e quei vegneva giu in curtin epi ina scala da crap e vegneva giu en via principala. Epi vegnevan ei da scala giu epi schevan ei “jeses matta, veis forsa ils raps oz?” “gie, oz hai jeu els” “aber per vus schein nus schon avunda paternos che vus vegnies enta parvis” epi schev’jeu “calei cun quei, jeu astgel purtar els a vus. Quei ei buca mes raps, jeu hai buca da quels raps. Jeu sai bu far da quellas bunas ovras.

Quei cudisch da posta hai jeu dapi Rabius. Quei era da far en las suttascripziuns epi survegnevas ti ils raps e vevas da dar las quittanzas. Ed el cudisch era, leu mettevel jeu en mintgaga il Stempel. Ed ils davos dis, cu jeu hai saviu ch’ei seigi finiu, quei era ils 31 d’uost ei il bogn staus finiu. Lu hai jeu tschappau miu cudisch ed hai priu e fatg dad ina vart giu e da l’autra vart giu e fatg tgei che jeu hai pudiu, fatg en Stempels, tut dil Tenigerbad. Ils 31 digl otg 1951.