Tgei era pli baul meglier ni mender ch’ozilgi?

Da mei anora preferess jeu il temps da lezzas uras quei ch’appartegn la veta sociala, il contact persunal ch’ins haveva en quels vitgs muntagnards. Oz ei pers fetg fetg bia il setener ensemen d’antruras da far lavur el temps liber.

Midasses cun pli baul?

Gie. Sche jeu mon oz tras Vrin entaupas ti darar in carstgaun sin via, il vitg ei ton sco morts ora. Ti has paucas caschuns da discuorer cun la glieud. A sias uras eran tuts a pei sin via, ei era dad ir savens en baselgia, era dad ir el center dil vitg per l’aua ch’ins duvrava mintga gi, a casa muncava era igl electric, bogn e tualetta era era enzatgei jester, aber cun quei vivev’ins. Quels dad oz schessen quei ei primitiv pli che primitiv.