Fravis dat ei forsa buca pli el vitg. Quel veva d’enferrar ils cavals ni sch’ins veva rodas dils carrs da schar far si quei fier.

Jeu sai aunc ch’ei mettevan o glin, quei mettevan ora en puoz.

Also jeu sai buca pli seregurdar aber mia sora scheva ch’ella mavi culla tatta si els puozs a metter en glin. Quei fagevan sco in tec monas e mettevan in grap sissu per schar lomiar. Suenter vegneva quei tratg, aschia lev sai jeu seregurdar che la tatta scalpreva lu il glin, ei scarsinavan quei epi lu flavan ei. Gie quei era lu extra puozs da metter ora il glin.

Il vinars dev’ei schon lu tier nus aber quei era lu pli sempel che quella destilleria ch’ei han oz. Il mulin dev’ei era aunc el vitg. Quei ei donn ch’ei han scarpau giu quella roda mulin, quei fuss oz in’attracziun. Pli baul dev’ei schon aunc uaffens ch’ei drovan oz buca pli. Farclas e faultschs e giuvs ch’ei mettevan si allas vaccas per trer. Lu dev’ei il giuv dubel. Arar era tut cul criec a maun. Quei bia da quei ch’ei san buca s’imaginar oz ch’ei fagevan pli baul. Quei era stregn.

La mumma veva in giuv ch’ei vevan pendiu si avon nuegl. Lu eri ei stau in di in parler sco nus schevan e vevi dumandau sch’ella vendi quel. Ella vevi lu detg na e quel vevi detg “aber lu schei buca cheu pendiu si quel, schiglioc vegn el lu naven”. Lu mavan ils parlers e vendevan vischala e vegnevan magari per in tec latg e caschiel ni zatgei.

Nus vevan la cremera che vegneva. Quella dumandava lu adina da vegnir a durmir tier la mumma, ell’ustria seigi in tec memia car. Quella veva lu daquei da cuser e guilas e da quei. Lu vevan nus aunc ina che mava cun etgs e da quei. A quella schevan ei la Mirera. Quella mava cun ina coffra e mava per ina fatschenta da Cuera che veva num Mirer. Quella veva lu Rapura e d quels etgs e da quei ch’ins cumpra oz ella drogeria.