Meglieraziun

Barclamiu Pelican
Barclamiu Pelican © Gieri Antoni Caviezel

Pli baul eri era da cuorer da scrotta tier scrotta per far fein. Ussa ei il funs arrundaus. Tgei ha la meglieraziun purtau ord vies punct da vesta?

La meglieraziun ha purtau bia bien. Sco pur havess jeu mai brattau pli. Las vias dalla meglieraziun han purtau il pli bia als purs.

Cu essas vus vegni cun l’emprema maschina?

Jeu hai cumprau 1966 in Aebi 70, quei era ina maschina da segar e da trer. Il mender era da tener enta maun la maschina pertgei quei era crappa dapertut. Da vias savev’ins strusch tschintschar.