Grazia als lags da fermada ei l’electricitad vegnida els vitgs ed il svilup tecnic ha priu si‘entschatta.

Quei svilup ei staus enorms. Sch’ins cumpareglia igl onn 1940 cun igl onn 2000 ei quei sco gi e notg. Bien, la viafier devi da lezzas uras era, autos medemamein. Denton dasperas eran ils indrezs tecnics minims. Ils emprems motors da segar eran fetg sempels e primitivs e buc exnum adattai per la muntogna, il medem era puncto maschinas da crutschas e lu ei la mecanisaziun succedida a moda rapida, cun cargafeins, suflafeins, cargagrascha, transporters moderns e ventilaziuns. Cul temps han tuts purs mess neu in parc da maschinas tenor ils agens basegns, ils ins in tec pli baul, auters han fatg in tec pli gitg il pur alla moda veglia.