Avertura dalla  nova senda tematica il settember 2025 a Surcasti.

Tgei ha influenzau la veta dils habitonts antruras, co veseva il mintgagi ora pli baul e tgei valurs ed habilitads rescan oz dad ir en emblidonza? La nova senda tematica «Blicke in Raum und Zeit Uors/Surcasti» dat investa davart la veta da pli baul els vitgs da Suraua.

Ella consista da sis ’’puncts da vesta“ ch’ein plazzai en loghens publics da Uors e Surcasti nua ch‘ei dat in connex direct cun in dils temas.  Continue reading «Egliadas en spazi e temps» ad Uors/Surcasti →

Enteifer mo in miez tschentaner ei la moda e maniera da viver e da cultivar semidada marcantamein el territori alpin. La savida tradiziunala che ha valiu tschentaners alla liunga ha piars sia muntada. Valurs ein vegnidas regruppadas, novas pusseivladads e sfidas ein sepurschidas. El rom dil project „Egliadas en spazi e temps“ duei vegnir mussau allas generaziuns dad oz ils beins culturals ed ils mistregns vegls sin basa d’exempels ord vischnauncas dalla Surselva. La finamira dil project interactiv ei da rimnar sin in portal d’internet la savida ch’ei ida en emblidonza, d’intermediar quella ella cuntrada cun schinumnai puncts da vesta en fuorma da staziuns d’eveniments per aschia animar ina discussiun davart valurs el temps dad oz e dil futur. A mesa vesta ei planisau in’exposiziun ambulonta per saver presentar ils cuntegns ad in publicum pli vast.  Cheu intervegnis Vus co. Continue reading In viadi culturhistoric en Surselva! →

Suandei il project gest el liug e visitei la senda d’eveniments „egliadas en spazi e temps“ a Sumvitg. Quella sa vegnir visitada naven da miez zercladur el liug da pilot Sumvitg.

Continue reading Visitei la senda d’eveniments «egliadas en spazi e temps» a Sumvitg →