Project da pilot Sumvitg
Tschun staziuns fuorman la senda d’eveniment «egliadas en spazi e temps». Ellas drezzan ils secturs tematics historics viers ils posts ed intermedieschan la savida, rimnada entras extracts ed anecdotas ord las intervestas. Aschia vegnan las historias e las aventuras dallas perdetgas dil temps vividas e sentidas el context directamein ella cuntrada.
Maletg / Scargar: Fegl sgulont Senda d’eveniment Sumvitg
Suandei la senda d’eveniment!
Las staziuns d’eveniment e la senda d’eveniment ein contonschiblas fetg bein e spert naven dallas staziuns da viafier Sumvitg-Cumpadials e Rabius-Surrein sco era naven dils parcadis a Sumvitg, Cumpadials, Surrein ni Rabius.
Staziun d’eveniment: Sumvitg
Entschatta dalla „Via dil Crucifix“
Quella staziun possibilitescha ina survesta sur il vast funs dalla val dalla vischnaunca Sumvitg e specialmein silla fracziun Surrein ed era ella Val Sumvitg. Il medem mument sesanfla l’entschatta dalla senda historica e restaurada denter Surrein e la capitala Sumvitg cheu (via cavorgia cun sulada, per part flancada da mirs schetgs).
Cheu rapportan perdetgas dil temps sur dils temas/cavazzins:
Staziun d’eveniment Part dil vitg da Surrein (plaz cadruvi)
Quella staziun schaidirectamein sper la cruschada, nua che differentas rutas meinan tiel commerci ni tier la baselgia e la scola e danunder ch’ins vesa la fontauna dil vitg.
Cheu rapportan perdetgas dil temps sur dils temas/cavazzins:
Staziun d’eveniment Surrein (Destillaria)
Quella staziun statsper la Destillaria Candinas.
Cheu rapportan perdetgas dil temps sur dils temas/cavazzins:
Staziun d’eveniment Punt viers Cumpadials (spartgida dalla via encunter Val Sumitg/Greina)
Quella staziun statdirectamein sper la punt sul Rein. Seniester meina la via ella Val Sumvitg, sper il vegl e bandunau hotel Bogn Tenigia vi, encunter il punct da partenza per ir encunter la planira dalla Greina. Dretg sur la punt meina la via a Cumpadials tier la staziun dalla Viafier retica.
Cheu rapportan perdetgas dil temps sur dils temas/cavazzins:
Staziun d’eveniment Lag da Salischinas
Quella staziun schaisper il Lag Salischinas (biotop). Cheu croda l’egliada sur la pardiala dil Rein Anteriur e sur praus e pastiras cunfinontas si encunter la Val Sumvitg ni ella direcziun cuntraria sil vitg da Sumvitg e plinensi silla spunda da Sogn Benedetg.
Cheu rapportan perdetgas dil temps sur dil tema:
La casetta staziun d’eveniment ei construida el stric tradiziunal dils baghetgs da habitar e luvrar en Surselva. Ella ha ina finiastra, la quala sa vegnir aviarta cun in schlegn. Silsuenter san ins trer ora il truchet d’informaziun. Tier la fabricaziun ei vegniu dau peisa sin la creaziun da valurs sin tut ils scalems, naven digl acquist dil material sur l’elavuraziun, fabricaziun e montascha da quel. Leutier ei vegniu risguardau tier las lavurs da scrinari, che l’entira construcziun, naven dil dessegn da CAD tochen tier la realisaziun, seigi vegnida menada atras sco project da scolaziun dad in emprendist en in menaschi da scrinari regiunal.
Per mintga staziun d’eveniment vegnan tochen treis temas plidentai ed intermediai entras il „raquintader d’historias“ ed ils elements electronics ed interactivs (QR code tier la pagina da web).